ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |

មន្ត្រីជាន់ខ្ពស់ប្រទេសម៉ាឡេស៊ី និងឥណ្ឌូនេស៊ី ជំទាស់គ្នារឿង «ភាសាទី២» របស់អាស៊ាន

  • ចុះផ្សាយថ្ងៃទី០៦ ខែមេសា ឆ្នាំ២០២២ ម៉ោង ១៨:២១ នាទី ដោយ Moeun Chamrong Ridhisidh
  • 1668
  Aa |   aA

គូឡាឡាំពួរ៖ រដ្ឋមន្ត្រីក្រសួងអប់រំ វប្បធម៌ ស្រាវជ្រាវ និងបច្ចេកវិទ្យារបស់ប្រទេសឥណ្ឌូនេស៊ី លោក Nadiem Makarim បានច្រានចោលសំណើរបស់នាយករដ្ឋមន្ត្រីម៉ាឡេស៊ី Ismail Sabri Yaakob ដែលចង់ដាក់ភាសាម៉ាឡេ ជាភាសាផ្លូវការទីពីររបស់អាស៊ាន។

លោក Nadiem បាននិយាយថា៖ «ខ្ញុំក្នុងនាមជារដ្ឋមន្ត្រីក្រសួងអប់រំ និងវប្បធម៌ ស្រាវជ្រាវ និងបច្ចេកវិទ្យា ពិតណាស់ ខ្ញុំបានច្រានចោលសំណើនេះ»។

លោក Nadiem បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា បំណងប្រាថ្នារបស់ប្រទេសម៉ាឡេស៊ី ក្នុងការស្នើភាសាម៉ាឡេ ជាភាសាផ្លូវការរបស់អាស៊ានចាំបាច់ត្រូវសិក្សានិងពិភាក្សាបន្ថែមទៀតនៅកម្រិតតំបន់ ខណៈលោកថា ភាសាឥណ្ឌូនេស៊ីគឺជា «ជម្រើសដ៏សមស្របជាង» សម្រាប់ជាភាសាផ្លូវការទីពីររបស់អាស៊ាន ។

លោក Nadiem បានពន្យល់ថា ភាសា Bahasa ឥណ្ឌូនេស៊ី បានក្លាយជាភាសានិយាយយ៉ាងទូលំទូលាយបំផុតនៅក្នុងតំបន់អាស៊ីអាគ្នេយ៍។ តាមរយៈការវាយតម្លៃរបស់គាត់ គាត់បាននិយាយថា ភាសាឥណ្ឌូនេស៊ីបានពង្រីកខ្លួនដល់ ៤៧ប្រទេសហើយនៅជុំវិញពិភពលោក។

គួរបញ្ជាក់ផងដែរថា អាស៊ាន គឺជាសមាគមមួយក្នុងតំបន់ដែលជំរុញកិច្ចសហប្រតិបត្តិការសេដ្ឋកិច្ច នយោបាយ សន្តិសុខ និងសង្គម-វប្បធម៌ ក្នុងចំណោមសមាជិកទាំង១០ របស់ខ្លួនដែលមានប្រទេសប្រ៊ុយណេ កម្ពុជា ឥណ្ឌូនេស៊ី មីយ៉ាន់ម៉ា ឡាវ ម៉ាឡេស៊ី ហ្វីលីពីន សិង្ហបុរី ថៃ និងវៀតណាម៕


ព័ត៌មានជាច្រើនទៀតសម្រាប់អ្នក